എൻ എം വിജയന്റേയും മകന്റേയും മരണങ്ങളിൽ ഒന്നാം പ്രതിയായ ഐ സി ബാലകൃഷ്ണന്റെ സ്ഥാനാർഥിത്വത്തിൽ പ്രതിഷേധിച്ച്‌ എൻ എം വിജയന്റെ കുടുംബം നാളെ ബത്തേരിയിൽ ഗാന്ധിപ്രതിമക്ക്‌ മുന്നിൽ ഉപവാസമിരിക്കും.മരണത്തിന്‌ കാരണക്കാരായവർക്കെതിരെ നടപടിയെടുക്കുമെന്ന് വയനാട്‌ എം പി പ്രിയങ്ക ഗാന്ധി വീട്ടിലെത്തി ഉറപ്പ്‌ നൽകിയിരുന്നു.എന്നാൽ നടപടിയെടുത്തില്ലെന്ന് മാത്രമല്ല,ഇതുസംബന്ധിച്ച കേസിൽ ഒന്നാം പ്രതിയായ ഐ സി ബാലകൃഷ്ണനെ സ്ഥാനാർത്ഥിയാക്കുകയാണ്‌ ചെയ്തത്‌.ഇത്‌ കുടുംബത്തിന്റെ വേദനയെ പരിഗണിക്കാതെയായിരുന്നു.ജീവിത കാലം മുഴുവൻ കോൺഗ്രസിനുവേണ്ടി ജീവിച്ച പിതാവിനെ വഞ്ചിച്ച നേതാക്കൾ മരണശേഷവും അദ്ദേഹത്തെ ദ്രോഹിക്കുകയാണ്‌ മകൻ വിജേഷ്‌ പറഞ്ഞു.